Policia ka shoqëruar një të dyshuar për përfshirjen në atentatin që iu bë 40-vjeçarit Hekuran Billa te “Komuna e Parisit” në Tiranë, mbrëmjen e 11 qershor.
Raportohet se i dyshuari është identifikuar nga kamerat e sigurisë dhe ka lidhje familjare me Prel Markun, 22-vjeçarin që u vra nga Billa në Angli në vitin 2006.
Policia dyshon se personi i identifikuar ka ndjekur viktimën dhe ka lajmëruar atentatorët për vendndodhjen e Billës.
Më herët, policia ka shpallur në kërkim të vëllain e Prel Markut, Viktor Marku, i cili dyshohet se ka qenë ai që ka qëlluar Billën me breshëri plumbash.
