Një 38-vjeçare nëne e dy fëmijëve apelon për ndihmë nga institucionet pasi pa bashkëshortin dhe ndihmë nga shteti nuk e përballon dot jetesën. E dhunuar prej vitesh nga bashkëshorti ajo kërkon ndihmë dhe për fëmijët të cilët janë të traumatizuar nga mënyra e jetesës.
Kjo është Vaçe Grami e cila është keqtrajtuar e dhunuar nga bashkëshorti madje dhe në sy të fëmijëve.
Grami: Pesë vitet e para kalova mirë ku mendoja se isha princeshë, pastaj filloi dhuna.
Mes lotëve 38-vjeçarja tregon për “Ora” torturat që ka përjetuar.
Grami: Në 4 të mëngjesit më hodhi tek soba dhe u dogja. Më goditi dhe në stomak ku kisha një fëmijë i cili humbi jetën.
E ka denoncuar disa herë por e ka falë për hatër të dy fëmijëve.
Sot ajo jeton me dy fëmijët, vajzën 10 vjeç dhe djalin 16 ndërsa bashkëhorti ka 5 muaj që është larguar duke ja lënë mbi shpatulla barrën e madhe të familjes.
Elsoni ëndërron që dy prindërit të jenë të lumtur por e di që kjo pothuajse është e pamundur.
Sot të tre jetojnë në një shtëpi te ura “Beshirit” në njësinë administrative Pezë.
Një shtëpi me lagështirë që nuk plotëson kushtet minimale të jetesës ndërsa apelojnë për ndihmë nga institucionet shtetëore pasi kanë mbetur me shpresën tek lutjet.
