Paulo Dybala dhe Douglas Costa betohen për besnikëri ndaj klubit të Juventus në një mënyrë mjaft domethënëse.
Gjithcka u ndodhi gjatë një transmetimi të drejtpërdrejtë në Twitch, kur një tifoz pyeti dyshen e Juventusit se kur do t’i bashkohen Interit. Braziliani dhe argjentinasi kanë qeshur dhe në kor kanë theksuar: “Paulo, ky miku pyeti se kur do të shkojmë tek Interi, – tha Costa, ndërsa njëzëri, së bashku me Dybalën u përgjigjën. – Kurrë i dashur… Po të themi kurrë!”.
Paolo Dybala pritet të zgjasë kontratën me Juventusin ndërsa e ardhmja e Douglas Costas është në dyshim por siç duket edhe në rast largimi, skuadra e tij e radhës nuk do të jetë Interi.
