Që ditën e parë që ka shkelur në Bashinë e Tiranës Erjon Veliaj, alias lali Eri, taksat për qytetarët vijojnë të rriten.
Zëdhënësja e Partisë Demokratike, Ina Zupa ka postuar grafikun ku tregon se si janë rritur taksat në Tiranë qëkur menaxhimi i Bashkisë ka përfunduar në duart e lali Erit.
Sipas Zhupës arsyeja e rritjes së taksave fshihet pas kompanive të huaja të kontraktuar nga Veliaj, të cilat në kurriz të qytetarëve të Tiranës duan të përfitojnë akoma dhe më shumë.
Zhupa shkruan se qytetarët dhe bizneset e Tiranës do të paguajnë më shumë tarifë pastrimi, ndërsa Veliaj, Eco Tirana, Eco Recycling dhe Integrated Energy BV SPV do përfitojnë më shumë.
Postimi i Zhupës:
Qytetarët edhe bizneset e Tiranës do paguajnë më shumë tarifë pastrimi ndërkohë që Veliaj, me Eco Tirana, Eco Recycling dhe Integrated Energy BV SPV do përfitojnë më shumë.
Në vend që të kishin nisur hetimet nga SPAK dhe drejtësia shqiptare për aferën e pastrimit të parave të pista të mafias italiane me Eco Tirana, për aferën e inceneratorëve të Tiranës, rriten me shumë kostot për qytetarët.
Rritja e tarifës së pastrimit për familjet dhe bizneset në Bashkinë Tiranë reflektohet qartë si shkak i keqmenaxhimit dhe abuzimit që është bërë nga kompanitë e krijuara dhe të kontraktuara nga Veliaj.
Eco Tirana paguhet për të diferencuar mbetjet por ajo se bën këtë gjë, nga ana tjeter incenetarori pranon mbetjet e padiferencuara edhe vendos cmimet e veta abuzive për pranimin e tyre.
Një situatë të tillë abuzimi me paratë tona, duke bërë ndërthurrje kompanish që nuk mbajnë përgjegjësi dhe nuk bëjnë shërbimin e kontraktuar, vetëm Erion Veliaj mund ta bënte.
