Avokati Altin Goxhaj ka deklaruar në studion e lajmeve të Fax News, se ka një plan politik për shtyrjen e fatkeqësisë natyrore deri më 22 shtator të këtij viti, ndërkohë që ligjërisht përfundon me 24 qershor.
Goxhaj tha se është një plan mes të gjithë aktorëve të partive kryesore në vend, ndërsa theksoi se është një konspiracion i të majtëve që drejtojnë nëpër botë duke shtuar se duke përdorur pandeminë mund të shtojnë më shumë qëndrimin në pushtet.
“Personalisht mendoj se kemi të bëjmë me një plan që e kam deklaruar dy javë më parë për të zgjatur fatkeqësinë natyrore deri në 22 shtator, është parapërgatitje për plandeminë numër dy që përfundon pranë zgjedhjeve. Sot uroj 74 vjetorin e Presidentit Donald Trump që ta festojë edhe 75-vjetorin si President vitin tjetër. Fati i botës për vitin 2020-2024 varet nga Trump, për të gjetur një LGBD-ist, për të gjetur një Sorosist, po të shikosh statuset në facebook është e dukshme plandemia dhe i vetmi përballë saj është Trump.
Është një fenomen global dhe qendra e përballja reale është në Uashington, ne jemi në periferi. PD dhe LSI po akuzojnë Ramën se ka hapur Shqipërinë dhe shiko si u shtuan rastet, kjo është pjesë e lojës, i thotë të mbylli sërish qytetarët. Këta janë në të njëjtën lojë, më 25 qershor kur një ditë më parë përfundon gjendja e fatkeqësisë natyrore, që de jure ka mbaruar 30 ditë më parë. Këta kanë plan të justifikojnë rizgjatjen edhe 3 muaj të tjerë, po përgatisin një raport në Ministrinë e Shëndetësisë. Të gjithë e kanë ngrënë karremin, janë mashtruar të gjithë njerëzit kur thonë se obobo po shtohen rastet. Jemi përballë një propagande për të sëmurë që nuk i shikojmë.
Kemi një vetëm një rast të opozitës së re që është bërë mediatike, drejtori i Urgjencës nuk provohet, e kami parë për qejfin e tij në televizor. Unë besoj se ekziston një grip si gjithë gripet e tjerë dhe vret edhe më pak se gripet e tjerë. Në Shqipëri kanë vdekur nga gripi 4 fish më shumë. Që në shkurt këta e kanë mbyllur buletinin e vdekjeve nga gripet. Është konspiracion i të majtave për të mbajtur pushtetin.”, tha Goxhaj teksa paralajmëroi edhe zhvillimin e një proteste javën e ardhshme në Tiranë me datë 25 qershor në orën 10:00 para Parlamentit.
