Skuadra e Barcelonës do të rikthehet mbrëmjen e sotme në fushën e lojës pas një pauze tre mujore për shkak të pandemisë së coronavirusit.
Liderët dhe kampionët në fuqi të La Ligas, do të luajnë në transfertë kundër Mallorcës në orën 22:00. Një lajm i mirë për Barcelonën është rikuperimi i plotë i Lionel Messit për këtë ndeshje I cili do ta fillojë ndeshjen nga minuta e parë, ndërsa nga ana tjetër Luis Suarez edhe pse I riaftësuar nga dëmtimi nuk pritet të startojë.
Sipas mediave spanjolle, treshen e sulmit të Barcelonës përkrah Messit dhe Griezmann, do ta kompletojë blerja e merkatos së janarit, Brathwaite.
Barcelona e kryeson kampionatin në kuotën e 58 pikëve, dy më shumë se Reali i vendit të dytë, ndërsa përballë do të ketë një skuadër e cila lufton për mbijetesë. Mallorca renditet në vendin e 18-të në kuotën e 25 pikëve dhe çdo pikë do të ishte e vlefshme në llogaritë e fundsezonit.
