Ish-kryeministri Sali Berisha ka bërë një reflektim nga foltorja e Kuvendit se pse kishte ndryshuar qëndrim për ligjin e importit të plehrave, ligj i miratuar në vitin 2011 nga qeveria e drejtuar prej tij.
Berisha tha se e kishte ndërmarrë këtë vendim duke shpresuar se do të kontrollohej hap pas hapi.
“Analizuar në retrospektivë unë besoj se nuk duhet të kisha bërë atë veprim e them këtë sepse unë konstatoj pse e bëra veprimin, isha i bindur se do kontrollonim çdo gjë se do jepnim vendim qeverie rast pas rasti për të drejta importi. Por duke konstatuar këtë që ndodhi në 2014 që doganat kanë futur kundër ligjit 335 mijë tonë, nuk e përjashtoj dhe dal me rishqyrtim qëndrimit tim, absolutisht.
Pse kam reflektuar?
Është helm, pleh, lerë ca thotë se ky s’ka konceptet më elementare përveç zhgarravinave, shihni shpellat sa ngjajnë me pikturat e tij, e bëj këtë se kam një arsye tjetër të madhe.
Çfarë ka ndodhur në Evropë? Ka një direktive të 2016, krejt tjetër me të mëparshmen, a e dini kush e ka bërë planin e landfilleve në Shqipëri? Ekspertët më të mirë evropiane, nga qeveria para nesh, sot direktiva thotë kategorikisht vendi lider në Evropë ka zero landfille më”, tha Berisha.
