Sezoni 2019-2020 i La Ligës është rikthyer zyrtarisht me derbin andaluazian, ndërmjet Sevillas dhe Real Betis-it.
Vendasit fituan me rezultatin 2-0, në një ndeshje mjaft të luftuar sidomos në pjesën e parë.
Golat e fitores për Sevillan u shënuan në fillimin të fraksionit të dytë të lojës. Fillimisht shënoi Lucas Ocampos i cili u tregua i saktë në gjuajtjen e një 11-metërshi në minutën e 56-të, ndërsa më pas gjashtë minuta më vonë, ishte Fernando ai që vulosi shifrat përfundimtare në 2-0.
Më këtë fitore Sevilla shkon në kuotën e 50 pikëve dhe pozicionohet në vendin e tretë, ndërsa Betis-i renditet e 12-ta me 33 pikë të grumbulluara.
