Juventusi ka bërë përpjekjen e parë për të nënshkruar me mesfushorin e Romës, Nicolo Zaniolo.
“Tuttosport” raporton se drejtori sportiv i bardhezinjve, Fabio Paratici, i ka propozuar kolegut të tij te Roma, Guido Fienga, një marrëveshje shkëmbimi lojtarësh për të marrë Zaniolon, por kjo është refuzuar kategorikisht nga skuadra e Romës.
Roma do të hyjë në bisedime për të shitur lojtarin, vetëm nëse në drejtim të tyre vjen një ofertë prej 60 milionë eurosh, duke parë edhe vështirësitë financiare në të cilat ndodhet klubi.
Zaniolo konsiderohet si një nga talentet më të mëdhenj italianë ndërsa aktualisht ai po rikuperohet nga një dëmtim i rëndë që pësoi në ndeshjen kundër Juventusit përpara se futbollit të ndërpritej.
