Martin Henze, një prej këshilltarëve ekonomikë pranë CDU-së, vijon me akuzat ndaj Qeverinë Rama. Henze ka reaguar ndaj një postimi të Kryeministrit Edi Rama, i cili sulmon ish-deputeten e PD-së, Jorida Tabaku, pas kritikave të kësaj të fundit lidhur me Eurobondin.
“Përmbahu zonja Tabaku, përmbahu sepse gjuha e akuzave dhe fyerjeve nuk është as argument, as shembull qytetarie në një shoqëri që ka nevojë për t’u pastruar në gjak e në mendje nga helmi i fjalëve të rënda, të cilat prej vitesh janë bërë buka dhe djathi i tregut të politikës…”, shkruan Rama në Twitter.
Ndërkohë, Henze në një koment të tij shkruan se Qeveria mafioze e Ramës është e dështuar dhe e korruptuar dhe nuk ka asnjë shpresë për të ardhmen. Henze ka publikuar edhe një video të gazetarit të Bild, Peter Tiede, i cili publikoi përgjimet që hedhin dritë mbi manipulimin e votave në Dibër e Durrës, apo siç njihen ndryshe dosjet 184 dhe 339.
Albania The Mafia Govenment Mustafa Rama, a failing, corrupt government:No Go pic.twitter.com/8DVyMtiU2S
— Martin Henze (@GSKStrategy) June 11, 2020
