Kryeministri Edi Rama pohoi sot se është kundër ndryshimit të sistemit zgjedhor dhe listave të hapura.
Sipas tij, listat qofshin të hapura apo të mbyllura i cakton Kryetari.
Por, Kreu i Qeverisë nuk ka nguruar edhe të ironizojë atë që quhet si “opozita e re”, e cila në shumicë, vooton pro nismave qeveritare, pavarësisht nëse ato bien ndesh me Kushtetutën.
“Aman ju lutem kur flisni për deputetë që janë në parlament, mos harroni që janë të Bashës dhe Kryemadhit. Kush i sheh si persona që janë shfaqur aty nga rrugë të tjera e nga materniteti i Taulant Ballës, harron historinë. Ata janë aty të zgjedhur nga Lulzim Basha dhe Monika Kryemadhi
Unë e di që shumica e shqiptarëve e besojnë që listat e hapura janë një instrument çudibërës për të rritur demokracinë, por nëse do të ishin të hapura, ata deputetët që ishin aty, do të ishin pjesë e listës dhe do të votohej edhe brenda tyre.
Pra Gjuzi apo “Ngjala”, ky apo ajo, por ne jemi këtu me përgjegjësinë që ta çojmë përpara këtë proces dhe ta mbyllim në mënyrë të ndershme, të drejtë, dinjitoze, jo duke u futur nëpër historira kap njërin e kap tjetrin, sepse nuk shkon të dalësh në rrugë të bësh konsensus dhe në Parlament të shkosh me shpatë, pa llogaritur që ka dhe të tjerë aty, aq më tepër që vota ne nuk i kemi dhe duhet të bëjmë”, tha Rama.
