Biznesmeni Ardian Çapja mësohet se ka dalë reanimacioni dhe rreziku për jetën pas atentatit që iu bë para tre ditësh ku mbeti i plagosur pasi një plumb i shkoi shumë pranë zemrës.
55-vjeçari nga Elbasani u qëllua me snajper brenda banesës së tij, ndërkohë që autorët, ende të paidentifikuar, dogjën automjetin në dalje të qytetit në një zonë të pyllëzuar. Çapja u ka shpëtuar dhe më herët atentateve, ndërkohë që ngjarjet lidhen me konflikte të vjetra të fisit.
Mësohet se pas daljes nga reanimacioni, ai iu ka bërë kërkesë bluzave të bardha për të dalë nga spitali. “Dua të shkoj në shtëpi dhe të ndiqem privatisht në shtëpi për gjendjen”, ka deklaruar Çapja.
Pas atentatit, familja e Çapjas tentoi që të fshehë ngjarjen dhe e paraqiti atë si incident të ndodhur në oborrin e banesës. Ndërsa faktet tregojnë se ngjarja ka qenë e planifikuar në detaje dhe se autorët dyshohet të kenë qenë profesionistë dhe të jenë paguar për atentatin, kjo për faktin se arma e përdorur si dhe largësia në të cilën është gjuajtur tregojnë se investimi për të hequr qafe Çapjan ka qenë shumë i madh.
