Të shtunën Ministria e Shëndetësisë, bëri me dije se është regjistruar rasti i parë i riinfektuar me Covid-19 në vend.
Bëhet fjalë për një mjek në qytetin e Durrësit, i cili u riinfektua pas 3 muajsh. Mësohet se mjeku është shtruar në spitalin infektiv ditën e djeshme, dhe po ashtu janë shtruar edhe 2 persona nga Fushë-Kruja, të dyshuar si të prekur me Covid-19.
Sipas specialistëve, mjeku mund të jetë riinfektuar si pasojë e ekspozimit të tepërt duke marrë parasysh faktin që e ka kaluar një herë këtë virus.
Gjithsesi ngrihen dyshime të forta mbi pretendimet e Ministrisë së Shëndetësisë për ri-infektimin e mjekut infeksionist. Kjo për faktin se nga të gjitha studimet botërore personat e prekur nga Covid-19 krijojnë anti-trupa, pra një mbrojtje nga virusi.
Ndoshta mjeku në fjalë para 3 muajsh nuk ka qenë i infektuar dhe testet që i janë bërë kanë treguar “pozitivitet fals”, ose testet e bëra tani kanë treguar një pozitivitet fals.
