Kategoria Superiore e mori e para skenën, teksa rifilloi sezonin e saj më 3 qershor. Ndërkohë sot është radha e Kategorisë së Parë dhe të Dytë për të rinisur sezonin e tyre 2019-2020.
Sot në Kategorinë e Parë do të luhen pesë ndeshje, përballje të grupit të skuadrave që luajnë për të siguruar mbijetesën. Në Pezë-Helmës do të luhet një përballje shumë e rëndësishme për Dinamon, që pret skuadrën e Burrelit dhe vetëm fitorja i bën punë. Interesante është edhe sfida mes Veleçikut dhe Egnatias, e planifikuar të zhvillohet në Shkodër.
Në grupin B janë tre takime. Turbina është e dënuar të fitojë dhe do mundohet të shfrytëzojë faktorin fushë ndaj Orikut. Elbasani i vendit të fundit luan në transfertë me Ilirinë, kurse në Shënkoll vendasit futën në fushë vetëm për tre pikë, përballë Devollit.
Të gjitha ndeshjet luhen në orën 17:00.
