Oerd Bylykbashi, anëtari i PD në Këshillin Politik, tha se sot u arrit dakordësim për identifikimin biometrik të zgjedhësve si dhe për riformatimin e KQZ.
Bylykbashi tha se PD kishte propozuar një formulë për depolitizimin e administratës zgjedhore, por nuk u pranua nga pala e mazhorancës. Sipas tij, administrimi I zgjedhjeve në procesin e ardhshëm do të jetë njëlloj sikundër ka qenë deri më tani.
Formula e paraqitur nga opozita për depolitizimin kishte të bënte me faktin se komisionerët nuk do të zgjidheshin nga punonjësit aktualë të administratës.
Bylykbashi tha se Edi Rama donte të kapte Komisionet Zgjedhore, nuk i kapi dot dhe refuzoi depolitizimin plotësisht.
““U arrit dakordësi për administrimin zgjedhore. Opozita propozoi zgjidhjen për depolitizimim e administratës, që u refuzua nga pala tjetër. Administrata zgjedhore do të mbetet e pandryshuar për zgjedhjet e ardhshme siç është sot. Kjo formulë do të aplikohet pas këtyre zgjedhje. U përpoq të kapte komisionet zgjedhore nuk i kapi dot dhe u tërhoq”, tha Bylykbashi.
E njëjta gjë u pohua edhe nga Petrit Vasili, anëtari tjetër I opozitës së bashkuar në Këshillin Politik.
