Analisti Andi Bushati tha mbrëmjen e sotme në “Open” se nuk e kuptonte angazhimin e Ambasadorit të Britanisë së Madhe për të futur Shqipërinë në BE, kur vetë Britania doli nga BE, sikundër nuk e kuptoj rolin e Ambasadores së SHBA, e cila në Shqipëri thotë duam këtë vend në BE, ndërsa kolegu i saj në Britani përshëndet BREXIT.
Bushati tha se në 3-4 vitet e fundit ambasadorët amerikanë kanë qenë në në krah të Edi Ramës, edhe kur ai vjedh zgjedhjet, edhe kur lejon drogën.
“Dje ambasadorja foli me një kod mafioz, i çoi Lulzim Bashës një mesazh me kërcënim, pa na treguar se kush është problem, kush është kjo çështja që palët nuk bien dakort. Ashtu siç foli dje Yuri Kim është njëlloj si ti thuash Luli hajde për veshi dhe firmos këtu te kjo marrëveshja që kam unë se është shumë e mirë”, tha Bushati.
Ai tha se Ambasada amerikane në Tiranë dhe ajo në Prishtinë sillen në mënyrë të pandershme ndaj shqiptarëve, dhe unë nuk e di arsyen.
“SHBA kanë mbështetur regjime në vende të ndryshme, mbështetën Pinoçetin, mbështetën atë në Vietman, sot mbështesin regjimin e Edi Ramës”, tha Bushati.
