Mesfushori i Lazios, Sergej Milinkovic-Savic, pati një përplasje me portierin shqiptar të bardhekaltërve, Marco Alia, dhe ndërpreu menjëherë seancën stërvitore të mbrëmjes së djeshme.
Serbi mori një goditje në gju, ndërsa shkalla e dëmtimit do të mësohet së shpejti pasi pritet përgjigja e rezonancës magnetike.
Lazio po pret me ankth rezultatet, duke qenë se Milinkovic-Savic është një element kyç për skuadrën e tij. Mjekët e Lazios janë optimist dhe presin që lojtari të riaftësohet brenda 2 javëve, ndërsa një përgjigje më të saktë do ta japin përgjigjet e testeve mjekësore.
Lazio momentalisht renditet në vendin e dytë pas Juventusit dhe do të provojë deri në fund të rimarrë kreun e të fitojë titullin kampion, që mungon prej 20 vitesh.
