Boiken Abazi, kreu i Vetëvendoesjes në Shqipëri shprehet se, në Tiranë, disa mashtrues profesionistë po përhapin shpifjen se qeveria Kurti u votua me vota të Listës Srpska në Kosovë.
“Qeveria Kurti mori 66 vota në Kuvend kur u formua më 3 shkurt 2020, dhe asnjë prej 66 votave nuk ishte nga deputetët e Listës Srpska, dhe as nuk kishte marrëveshje koalicioni me Listën Srpska. 61 vota është shumica në Kuvendin e Kosovës, dhe kaq vota mori dje qeveria Hoti. Një nga 61 votat për qeverinë Hoti është prej deputetit Etem Arifi, të cilit i kontestohet mandati për shkak se është i dënuar për vepër penale. Ndërsa 10 prej votava të tjera ishin nga Lista Sprska, me të cilën LDK ka nënshkruar marrëveshje koalicioni”, shkruan Abazi në një postim në FB.
