Analisti i njohur Afrim Krasniqi ka ironizur partitë politike në vend të cilat prej dy vitesh vijojnë t’i hedhin fajin njëra-tjetrës për Reformën Zgjedhore dhe sërish çështja ka mbetur në vend, me përjashtim të ditëve të fundit pas ndërhyrjes së SHBA.
Në postimin e tij krasniqi shkruan se brenda 35 orëve morën fund bisedimet që ndryshuan rendin botëror në Jaltë, ndërsa në Shqipëri nuk po gjejnë gjuhën për një marrëveshje që nuk do të zgjasë më shumë se 50 javë.
“7 ditë x 5 orë/ditë = 35 orë bisedime mori konferenca e Jaltës ku u vendos rendi i ri botëror për 50 vitet në vijim. 2 vjet, 24 muaj, + 27 orë bisedime vetëm 4 ditët e fundit për ndarjen e komisionerëve për 2021 dhe ende nuk ka vendim, i cili me siguri (s)do ketë jetë as 50 javë”, shkroi Krasniqi në profilin e tij në Twitter.
