Mesfushori i Skënderbeut, Bruno Dita, ka folur në prag të ndeshjes që skuadra e tij , Skënderbeu luan ndaj Partizanit.
Duke folur për Supersport, 27-vjeçari uron që ndeshja e nesërme të jetë vazhdim i rezultatave pozitive të bardhekuqve pas ndërprerjes gati 3-mujore të aktiviteteve sportive në vend për shkak të coronavirusit. Ai gjithashtu ka thënë se se korçarët i kanë të gjitha mundësitë nesër të mposhtin kampionët në fuqi të vendit pasi kanë arritur të ndalin Tiranën, pretendentin kryesor për titullin kampion në këtë sezon.
“Shpresoj që të mos kemi dëmtime dhe të kapim ritmin që kishin para pandemisë, edhe pse do të jetë shumë e vështirë. Uroj që të jemi në ritmin e duhur, jo thjesht sa i përket lojës, por me tripikëshin. E mbyllëm 2020 me pesë fitore rresht, kemi ndalur edhe Tiranën në kryeqytet, një ekip që është për kampion. Do të bëjmë mirë, kemi besim te vetja”, deklaroi Bruno Dita.
