Aktivisti i shoqërisë civile, Altin Hazizaj, tha mbrëmjen e sotme, se Ardi Veliu ka humbur çdo moral për të vijuar të qëndrojë në detyrën e Drejtorit të Përgjithshëm të Policisë së Shtetit.
I ftuar në emisionin “Open”, Hazizaj tha se Veliu ka shkelur ligjet dhe Kushtetutën duke publikuar videon në Komisionin e Sigurisë lidhur me nënën e djalit 15-vjeçar të dhunuar nga policia te Parku i Liqenit, pse ai kishte shkelur fashën orare.
“Në sytë e shoqërisë shqiptare Ardi Veliu ka humbur çdo të drejtë për të drejtuar policinë. Tani shqiptarët po presin se çfarë do të bëjë Edi Rama, i cili ka heshtur lidhur me skandalin.
Po kështu është e pafalshme që anëtarët e Komisionit të Sigurisë nuk kanë reaguar kur Veliu paraqiti atë video, që përbën një skandal.
I kam dërguar një mesazh kryetares së atij Komisioni, dhe sot e kësaj dite nuk ka një përgjigje”, tha Hazizaj.
