Nga Boldnews.al
Kryeministri Edi Rama ka nisur prej disa ditësh një fushatë të ethshme për t’iu mbushur mendjen qytetarëve të revoltuar me të se ligji i ri i miratuar këtë muaj në Parlament nuk është njësoj me atë të anuluar në vitin 2013.
Fillimisht ia nisi betejës nga Facebook-u i tij duke replikuar me çdo komentues të mundshëm, ku togfjalëshi i tij i preferuar ishte se njerëzit nuk duhet të gënjehen nga ata që ai i quan “sharlatanë politikë”.
Sot bëri teatrin e radhës. Kryeministri takoi përfaqësues të Shoqatës së Ricikluesve, ku deklaroi se ligji i ri i miratuar këtë muaj në Parlament nuk është njësoj me atë të anuluar në vitin 2013 dhe arriti deri aty sa i cilësoi plehrat njësoj me grurin.
Por duket se ligji i mbetjeve, ka qenë e planifikuar prej kohësh dhe fshehurazi nga kryeministri Edi Rama, pasi janë shtuar menjëherë landfillet që do të merren me riciklim mbetjesh.
Open Procurement Albania publikoi sot emrin e fituesit të parë të për riciklim mbetjesh.
“Ndërsa kryeministri del publikisht me ministrin e Mjedisit për të folur për riciklimin e mbetjeve dhe importet, ministria e linjës shpall fituesit për tenderin e parë koncensionar”, shkruante me ironi në Facebook drejtuesja Open Data, Aranita Brahaj, duke publikuar edhe emrin e koncesionit të parë.
Ky koncesion që ka fituar kontratën është një bashkim operatorësh ndërmjet SHPK-së shqiptare “Integrated Technology Services”, me administrator dhe ortak të vetëm Klodian Zoton dhe shoqërinë italiane “Energy 2SRL”.
Por është i habitshëm fakti se gara për këtë konçension ka nisur që në muajin korrik, ende pa u miratuar ligji për importin e plehrave. Ky fakt denoncua sot edhe nga kreu i opozitës Lulzim Basha.
Pas Fierit, do të jetë edhe Durrësit ku do të bëhet riciklimi i mbetjeve. Koncensionari i ri është “Kinexia” me 90% dhe “Albanian Landfill Energy” me 10%. “Albanian Landfill Energy” është krijuar në 2012 dhe ka ortakë Arjan Xhihani dhe Giorgio Loreto, raporton newsbomb.al.
Ndërkohë që nuk është bërë ende transparente se sa operatorë konkurrues morën pjesë në garë dhe as sistemi i vlerësimit.
Pas këtyre fakteve, makineria e propagandës së Ramës duhet të ndryshojë strategji, pasi shpjegimi i tij duke sulmuar kritikët me fjalët fyese “sharlatanë” tashmë nuk ka më efekt.
