Vijon mbledhja e Këshillit Politik, e cila ka nisur prej orës 19:00, për të diskutuar çështjet e mbetura pezull të Reformës Zgjedhore. Ato janë disa dhe nuk është e qartë, nëse do të ketë kohë për të arritur sonte një dakordësi.
Nga kjo mbledhja e sotme mësohet një detaj i veçantë. Burime bëjnë me dije se një përfaqësues i ambasadës së SHBA ka marrë veçmas Gjiknurin dhe Bylykbashin për ecurinë e diskutimeve.
Ndërkohë opozita ka hedhur në tryezë të gjitha propozimet përfshi qeverinë tranzitore dhe rolin e Kushtetueses si Kolegj Zgjedhor ndërsa pritet përgjigjia e mazhorancës.
