Shërbimi i mjekësisë interne në QSUT është mbyllur prej ditës së djeshme, si pasojë e COVID-19.
Tre pacientët e mbetur në këtë shërbim, njëri prej tyre i diagnostikuar me COVID-19 janë transferuar në Infektiv dhe shërbime të tjera.
Mbyllja erdhi pasi nga personeli mjekësor kishin mbetur vetëm 8 punonjës të painfektuar, por me dyshime të forta se kishin COVID për shkak të shenjave të lehta.
Si pasojë e përhapjes së COVID-19 te shërbimi i mjekësisë interne janë prekur 40 persona, nga të cilët 26 personel mjekësor dhe 14 pacientë.
Sipas Ministrisë së Shëndetësisë, 5 personel mjekësor janë të shtruar në Infektiv si dhe një pjesë e pacientëve që rezultuan pozitivë.
Njëri prej tyre është në gjendje të rëndë, i intubuar. Mbyllja ka ardhur me shumë vonesë, pas 1 javë, kur u zbulua infermierja që dyshohet se është burimi i infeksionit.
