Barcelona kërkon një shumë prej 10 milionë urosh nga çdo klub që është i interesuar për huazimin e Philippe Countinho.
Ndërkohë që marrëveshja e huazimit për brazilianin te Bayern-i skadon këtë verë, fantazisti duhet të gjejë një ekip të ri pasi te Barcelona nuk ka vend për të. Sipas mediave angleze, Arsenali, është në kërkim të shërbimeve të tij, ndërsa po e vëzhgojnë situatën dhe Man.United e Chelsea.
Sidoqoftë, për shkak të ndikimit financiar që ka pasur pandemia e koronavirusit, klubet nuk ka gjasa të paguajnë 80 milion eurosh për kartonin e tij dhe mund të kërkojnë një marrëveshje huazimi por edhe kjo nuk do të jetë pa kosto të lartë.
Një problem më shumë për të zgjidhur për Barcelonën në përfundim të sezonit, pasi për t’i hapur rrugë blerjeve të reja duhet të gjejnë një ekip për 27-vjeçarin.
