Sulmuesi kosovar i Fenerbahces, Vedat Murqi, kërkohet nga disa klube të nivelit të lartë në Europë. Paraqitjet e tij me skuadrën turke kanë bërë që interesim për të shfaqin skuadra si Tottenham, West Brom, Leicester apo dhe Rennes në Francë.
Ndërkohë duke folur për mediat turke, sulmuesi shtatlartë, ka deklaruar se e ardhmja e tij varet nga Fenerbahce pasi ai aktualisht ka një kontratë 3 vjeçare me këtë klub.
“Fenerbahce duhet ta merr vendimin. Kam një kontratë 3 vjeçare e cila më ngarkon me përgjegjësi. Gjithçka varet nga klubi. Sa të jem këtu, do të jap maksimumin nga vetja” – ka thënë Muriqi.
