Katër mjekë të Sarandës janë vetvkarantinuar pasi kanë pasur kontakte me shtetasen ukrahinase e cila rezultoi pozitive pas testit të Covid-19.
Ukrahinasja kishte shkuar me pushime nga Tirana në Sarandë, atje ku ka edhe një apartament.
Sipas raportimeve, ajo ka kërkuar ndihmë mjekësore, pasi ka pasur një rëndim të gjendjes shëndetësore, ndërsa ekipi i mjekëve që ka kontaktuar me të ka qenë pa mjetet mbrojtëse.
Për këtë arsye 4 personat, personel mjekësor, janë vetëkarantinuar.
Ndërkohë ka dyshime se ukrahinasja ka festuar edhe një ditëlindje në një nga lokalet e qytetit, çka do të thotë se pritet identifikimi i personave që mund të kenë pasur kontakt me të, për t´iu nënshtruar tamponit të Covid-19.
