Ish-ministri i Drejtësisë, Ylli Manjani, ka ironizuar përmes një postimi në rrjetet sociale të rinjtë në politikë që imitojnë Kryebashkiakun Erion Veliaj dhe ministren Elisa Spiropali.
Madje Manjani shkruan se kur shikon këta, të vjetrit në politikë i duken yje.
“Duhen të rinj në politikë?! Krejt dakort!
Po kur shoh të rinj që imitojnë Erionin e të reja Elisën,më duken këta të vjetrit yje…”, shkruan Manjani.
Veliaj dhe Spiropali, sot pjesë e kupolës drejtuese të PS-së, e nisën karrierën e tyre në organizatën Mjaft, duke protestuar ndaj Qeverisë Nano, ndërsa raportohej se ishin nën komandën e Edi Ramës, në atë kohë Kryebashkiak i Tiranës.
Më pas, ato u larguan nga Mjaft për të krijuar një parti që e emërtuan G 99, në aleancë me PS-në e drejtuar nga Rama, dhe më pas u kuoptuan në strukturat drejtuese, ndërsa Kryeministri aktual, largonte socialistë të vjetër si Namik Dokle, Arta Dade, Kastriot Islami, Marko Bello, Arben Malaj, Andis Harasani etj.
