Ish-mbrojtësi legjendar i Interit, Marco Materazzi, ditën e djeshme ka dhënë një intervistë për transmetuesin argjentinas “TNT Sports”. Ish-qendërmbrojtësi rikujtoi sezonin historik 2009-2010 kur Interi i tij fitoi tripletën.
Tashmë 46-vjeçar, Materazzi nuk ngurroi të ngacmonte Ibrahimoviçin me të cilin nuk gëzon aspak marrëdhënie të mira. Materazzi gjithsesi këmbëngul se nuk ka pasur një mosmarrëveshje me sulmuesin aktual të Milanit, megjithëse komentet e tij në TNT sugjerojnë ndryshe.
“Nuk është e vërtetë që ka pasur rivalitet. “Unë do ta falënderoj atë përgjithmonë, sepse nëse ai nuk do të kishte shkuar në Barcelona, Eto’o nuk do të kishte ardhur. Ai më ndihmoi të fitoj Ligën e Kampionëve ndryshe me Ibrën në skuadër thjesht nuk do të kishte ndodhur.” – ka thënë Materazzi.
