Një market në Librazhd është grabitur gjatë natës së kaluar. Persona të paidentifikuar mësohet se kanë vjedhur 55 000 lekë dhe steka me cigare të ndryshme.
Sipas policisë grabitja ka qenë e veçantë pasi është kryer brenda 3 minuta dhe pa rënë sistemet e alarmit. Autorët dyshohet se kanë kryer edhe një grabitje tjetër në Librazhd. Mendohet se ata futen në sistemet e alarmit dhe më pas marrin paratë, cigare dhe sende të tjera me vlerë.
Uniformat Blu bëjnë me dije se janë vënë në kërkim për identifikimin dhe arrestimin e autorëve.
Njoftimi i policisë:
Gjatë natës në qytetin e Librazhdit, në marketin në pronësi të shtetasve A.K., dhe B.Q., persona ende të paidentifikuar ka vjedhur rreth 55 000 lekë dhe steka me cigare të markave të ndryshme.
Vijon puna për identifikimin dhe kapjen e autorëve.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
