Ka qënë mungesa e disa pajisjeve hidrosanitare që kanë detyruar 4 të rinj të përleshen me armë zjarri dhe mjete të forta mes tyre, ku ngelën 3 të plagosur rëndë ditën e djeshme në Durrës. Ervin Qerimi pasi kishte vënë re që në apartamentin e blerë nga përfaqësuesi i firmës Elvis Kurti mungonin një pjesë e mirë e materialeve hidrasanitare i është drejtuar atij me tone të larta duke i kërkuar llogari me të cilin ishte konfliktuar fizikisht pak ditë më parë.
Më pas ka qenë Elvis Kurti dhe shoku i tij Bekim Gjoka të cilët kanë shkuar në apartamentin ku banon, Ervin Qerimi, me të cilin janë përleshur fizikisht e më pas kanë përdorur armë zjarri dhe mjete të forta. Me Ervin Qerimin në apartament ndodhej dhe miku I tij Eluert Hoxha, të cilët kanë qëlluar me armë zjarri dhe kanë plagosur Elvis Kurtin dhe aksidentlisht është plagosur në këmbë Eluert Hoxha
Ndërkohë Elvis Kurti ka qëlluar me thikë e për pasojë ka plagour Ervin Qerimin. Tre të plgosurit janë dërguar në spital , ndërsa policia ka shpallur në kërkim Bekim Gjokën.
Mëngjesin e sotëm policia ka vënë në pranga Ervin Qerimin, Eluert Hoxhën dhe Elvis Kurtin.
Materialet në ngarkim të tre personave i kaluan Prokurorisë së Krimeve të Rënda Tiranë për veprime të mëtejshme për veprat penale: “Vrasja me dashje e mbetur në tentativë”dhe”Prodhimi dhe mbajtja pa leje e armëve luftarake dhe e municionit”.
