Eksperti i çështjeve ligjore në Partinë Demokratike Çlirim Gjata, deklaroi se shembja e Teatrit Kombëtar duhej bërë sipas rregullave me prokurim publik.
I ftuar në emisioin Ditë e Re me gazetarët Ariola Shehu dhe Arjon Muça në RTV Ora, ai tha se Rama ja la topin në derë Veliajt dhe këshillit bashkiak të inkriminuar, pasi nuk e shembi dot teatrin me kompaninë Fusha.
Çlirim Gjata: ”E kuptoni se ka humbur ekuilibrin? Nuk është kurrkund. Bëri ligj personal, ky person do shembi këtë godinë. Nuk ka parë historia e parlamentarizmit të ketë ligj të tillë, me person. Ajo bëhet me prokurim,është ligji i prokurimeve publike që ta ndalon të bësh ligje të veçanta për pronat publike. Del qeveria, Minsitria e Kulturës, hap tenderin, bën prokurimin sipas rregullave. Ky e bëri me ligj të veçantë, Fusha tha do shembi këtë dhe do bëjë këtë. E pa që nuk ia doli dot dhe kishte përgjegjësi të rëndë për veten. Ja la Veliajt topin në derë, ta shembte ai. Kishte të inkriminuar të gjithë këshillin bashkiak, dhe brenda natës e realizoi. Kjo tregon frikë dhe humbje ekuilibri.”
