Një aksident me pasojë vdekjen e një personi dhe plagosjen e një tjetri ka ndodhur sot pasdite në aksin Fier-Lushnje. Sipas informacioneve paraprake, një ambulancë është përplasur me barrierat mbrojtëse të rrugës, dhe për pasojë ka ndërruar jetë pacienti që ndodhej në ambulancë.
Viktima është identifikuar si Medi Marku, 62 vjeç. Mësohet se ai po transportohej drejt Tiranës. Dyshohet se shkak i aksidentit të jetë bërë shpejtësia tej normave të lejuara. Policia ndodhet në vendgjarje për të zbardhur shkaqet dhe dinamikën e aksidentit.
Njoftimi i Policisë:
Fier
Informacion paraprak
Sot rreth orës 17:50, në aksin rrugor Fier-Lushnje, në afërsi të fshatit Krutje, një ambulancë që po transportonte një pacient drejt Tiranës, ka dalë nga rruga.
Si pasojë ka ndërruar jetë pacienti, shtetasi M.M, 62 vjeç, dhe është dëmtuar drejtuesi i ambulancës, shtetasi N.H, 55 vjeç, banues në Sarandë, i cili ndodhet në spitalin e Lushnjes nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarje.
