Pronarët e lokaleve në Berat kanë dalë mëngjesin e kësaj të diele në protestë edhe pse sot është festa e Fitër Bajramit.
Arsyeja që i ka revoltuar, ka qenë vendimi i kryeministri Edi Rama për mbylljen totale të bizneseve në fundjavë, si masë ndaj COVID-19
Ata shprehen se nuk kanë një shkresë zyrtare për mbylljen e biznesit të tyre.
Pronarët e lokaleve e konsiderojnë të padrejtë këtë vendim të qeverisë, pasi Berati është zonë e gjelbër dhe duhet të jetë hapur çdo ditë.
Më tej, ata theksojnë që nëse situata vazhdon në këtë mënyrë, atëherë janë të rrezikuar të falimentojnë.
