Mbrojtësi shqiptar, Marash Kumbulla, është një ndër më të kërkuarit në merkaton e verës. Gjatë këtij sezoni ai ka bërë hapin e madh në karrierë të tij dhe duket se sezoni i ardhshëm do e gjej me klub të ri.
Ai ka qenë i lidhur gjatë kësaj kohë me shumë klube si Napoli, Inter, Chelsea, RB Leipzig, Lazio, për një çmim prej 25 milion €.
Drejtori sportiv i Veronës, Tony D’Amico, ka folur në lidhje me kartonin e lojtarit dhe ka tregua se vlera e tij është më e lartë nga sa vlerësohet ai aktualisht.
“Vlera e tij është më e madhe. Ne jemi duke folur për një mbrojtës të madh që po bën një sezon fantastik, sidomos për moshën e tij. Ai do të ketë shumë oferta në tavolinë, por është shumë herët për të folur tani për shifrat”, – tha ai për “Sky Sport Italia”.
