Sergio Aguero nuk do të largohet nga Manchester City gjatë verës së ardhshme. Sulmuesi argjentinas do të respektojë kontratën aktuale me skuadrën angleze.
Lajmin e konfirmon agjenti i lojtarit, Hernan Reguera. “Sergio ka një kontratë me Manchester City-n deri në verën e vitit 2021 dhe nuk ka asnjë shans që ai të largohet para kësaj date. Pasi kontrata të përfundojë do të shohim çfarë do bëjmë. Aguero është i lumtur me ‘Qytetarët’ dhe nuk ka ndërmend të ndryshojë klub”, – tha përfaqësuesi i Agueros.
Futbollisti ka pasur disa përplasje me trajnerin e skuadrës Pep Guardiola, pasi spanjolli nuk e preferon argjentinasin dhe në rolin e tij kërkon të afirmojë brazilianin Gabriel Jesus. Por paraqitjet mbresëlënëse të Agueros e kanë bërë të vështirë për Guardiolën, i cili së fundmi uli sërish në stol Jesus për të.
