Kryeministri Edi Rama ka reaguar ashpër, madje edhe me fyerje, ndaj atyre që kundërshtuan mbylljen e fundjavës.
Në një postim në rrjet, pasi lëshonte fyerje, Rama duket se është tërhequr të paktën nga një gjë, që nuk do të mund të pengojë besimtarët myslimanë të falen në xhamitë e vendit.
E ndërsa kishte njoftuar se e diela do të ishte një mbyllje totale të bizneseve, madje edhe qytetarët do të lëvizin me fasha orare, Rama pas një reagimi të fortë dhe shpërfilljes që iu bë urdhërave të tij absurd, shpalli vendimin në rrjetet sociale se xhamitë do të hapen, edhe pse në mënyrë paradoksale ato janë hapur.
“Provokacia e Ramës nuk zgjati as 24 orë. U zbythe, frikacak!
Sa për xhamitë, janë hapur që javën e kaluar. Nuk te paskan treguar,” shkruan gazetari Vehap Kola.
Rama shkruan se besimtarët myslimanë po nxiten që të bashkohen me revolucionin imagjinar të opozitës. Duket se ky është shqetësimi i tij real, aspak vuajtjet apo problemet e besimtarëve.
