Chiorgio Chiellini ka shkruar një libër që pritet të publikohet së shpejti por pjesë nga autobiografia e tij po publikohen çdo ditë në media.
Chiellini në librin e tij autobiografik ka “ngacmuar” jo pak ish-shokë të tij të skuadrës si Mario Balotelli, Felippe Melo, por edhe mesfushorin kilian Arturo Vidal.
“Një si Vidal, sa herë që dilte, pinte më tepër sesa duhej. E dinë të gjithë që alkooli ishte pika e tij e dobët”, kishte shkruar Chiellini, por duke mos harruar të flas edhe për cilësitë e tij prej një kampioni.
Vidal në një intervistë të dhënë për mediat kiliani i është përgjigjur kapitenit të Juventusit, duke thënë se do të ishte mirë që gjërat personale të mos publikoheshin në një libër.
“Njerëzit janë përqendruar në gjërat e këqija që ai ka thënë, pasi ndër të tjera ai ka thënë edhe që jam një kampion i madh. Ndoshta nuk do të ishte mirë t’i thoshte disa gjëra private në një libër, por kam folur me të në telefon dhe jemi sqaruar. Unë jam qenie njerëzore dhe si i tillë kam bërë gabimet e mia, kam paguar për to dhe kam vazhduar jetën”.
Për sa i përket të ardhmes së tij te Barcelona, mesfushori kilian ka thënë:
“Kam ardhur te Barcelona pas operacionit tim të dytë në gju dhe më është dashur pak të marr veten, por tani ndihem shumë mirë si në fushën e lojës, ashtu edhe mes shokëve të skuadrës. Po punoj shumë çdo ditë, për të qenë në sintoni të plotë më skuadrën dhe lojën që ajo bën. Qyteti më pëlqen shumë dhe njerëzit këtu më duan të mirën, pasi ma thonë gjithmonë kur dal në rrugë.
