Kreu demokrat Lulzim Basha ka mbështetur një deklaratë të Ambasadores Amerikane në Tiranë, Yuri Kim, e cila tha se “shpresonte që fjalët se ekziston një marrëveshje e fshehtë për të vrarë reformën në drejtësi pas krahëve, të mos jenë të vërteta”.
Basha, pasi ka ripostuar qëndrimin e diplomates Kim, shkruan se çdo ndryshim kushtetues dhe ligjor në lidhje me reformën në drejtësi nga ky parlament është ilegjitim.
“Ndryshime të tilla u shërbejnë vetëm atyre që e përdorin pushtetin për të devijuar dhe për të minuar reformën, për të kontrolluar politikisht dhe për të kapur sistemin e drejtësisë”, shprehet Basha.
Reagimet e diplomates amerikane vijnë në një kohë nga nga deputetë të Rilindjes është hedhur idea për ndryshime të ligjeve mbi reformën në drejtësi.
