Shembja e teatrit përveç përplasjeve fizike mes punonjësve të policisë dhe protuestuesve u shoqërua dhe me disa përplasje penale që kanë nxitur një debat të ri.
Sipas avokatëve Ledio Braho dhe Margarita Kola, SPAK dështoi në vendosjen e sekuestros së godinës së Teatrit përsa kohë dosja është në zyrat e tyre.
Braho tha se Presidenti Ilir Meta iu drejtua Gjykatës Kushtetuese pasi vendimi i Qeverisë për kalimin në pronësi të Teatrit te Bashkia e Tiranës u godit për kushtetueshmërinë, pra që ky vendim binte ndesh me Kushtetutën.
Në vijim avokatët thanë se “Spak duhet të vendoste sekuestron dhe dështoi në mbrojtjen e godinës së teatrit”.
Mos zbatimi i afatit 10 ditor nga vendimi i Këshillit Bashkiak sipas avokatëve ,është shkelja e parë ligjore që solli përshpejtimin e shëmbjes së teatrit.
“Shkelje flagrante, IKT zbatoi një urdhër që nuk kishte hyrë në fuqi. Përse duhet të nguteshin kaq shumë për shembjen e teatrit?!
Edhe mospritja e një vendimi zyrtar nga Gjykata Kushtetuese pas rrëzimit të dekretit të presidenti Meta është një tjetër shkelje penale sipas avokatëve.
“Kjo dihej që do ndodhte, përderisa nuk kishte një vendim gjykate. Artistët mund të ishin drejtuar dhe administrative”.
Dy paditë e bëra nga artistët tashmë janë pranuar nga gjykata e posacme dhe prokuroria. Deri në zbardhjen e një hetimi të plotë, artistë e qytetarë kanë paralajmëruar vazhimin e protestave.
