Pasditen e djeshme, Bayern Munich, u rikthye në fushën e lojës pas më shumë se 2 muajsh mungesë. Bavarazët treguan forcën dhe arritën një fitore 0-2 në fushën e Union Berlin.
Ndërkohë pas ndeshjes, Thomas Muller ka dhënë përshtypjet e tij mbi ndeshjen duke bërë edhe shaka në prononcimin e bërë “SKY Sport Deutschland”.
“Kishim objektiv fitimin e tre pikëve dhe ia dolëm. Sigurisht që kemi mundësi për t’u përmirësuar, sidomos në 25 minutat e para të ndeshjes, gjatë të cilave po luanim me topa të gjatë. Më pas gjërat shkuan mirë. Fituam më shumë siguri pasi kaluam në avantazh. Ishte një ndjesi sikur po luhej ndeshja e parë e sezonit”, u shpreh sulmuesi gjerman.
