Gazetari i njohur Enkel Demi ka reaguar ashpër ndaj dhunës që një ditë më parë policia ushtroi ndaj qytetarëve që protestonin në mbrojtje të Teatrit Kombëtar.
Demi tha se ata që dhunuan dje, veçanërisht gratë dhe vajzat, as më shumë dhe as më pak janë legena.
“E kam thënë edhe më parë, këta që dhunojnë gratë janë legena, kështu janë edhe ato që ndërmorrën akte dhune dje”, tha Demi, i cili drejton emisionin abc e mëngjesit.
Një ditë më parë, Enkel Demi pati një përplasje me policë, pas dhunës që ata ushtruan ndaj ish-deputetes Albana Vokshi.
Demi tha se ishte në protest si gazetar dhe ka ndërhyrë në momentin ku ka parë që një grup policësh po dhunonin gra dhe vajza, mes të cilave edhe Albana Vokshin.
