Protesta e shoqërisë civile kundër importit të mbetjeve do të vijojë sërish pasdite. Protesta nisi paraditen e sotme, ndërsa në parlament pritej të votohej ligji për importin e mbeturinave, por për shkak se votimi u shty për pasdite, shoqëria civile do të rimblidhet sërish rreth orës 17:30.
Nisma Thurje iu ka bërë thirrje protestuesve të vijnë në tubim.
“Parlamenti e ka shtyrë për mbasdite votimin. I bëjmë thirrje të gjithë qytetarëve, atyre që na mbështetën paradite dhe atyre që nuk patën mundësi që të mblidhen në orën 17:30 para Parlamentit për të vazhduar rezistencën kundër ligjit të importit të plehrave. Reago! Bashkohu!”, shkruan Nisma Thurje.
Sot protestuesit tentuan të fusnin një kazan plehrash në parlament por nuk u lejuan nga policia.
