Kryeministri Edi Rama ka vendosur të harrojë se çfarë premtonte me bujë tre vite më parë për importin e mbetjeve. Sot nga Parlamenti ai është justifikuar se importi i mbetjeve po bëhet për të mos lënë industrinë e riciklimit të mbyllet.
“Nëse tre vjet më parë nuk kishim laborator, Sot kemi një laborator të standardeve europiane të çertifikuar nga BE. Nëse në 2013 mbetjet mund të hynin nga çdo pikë doganore, sot ata hyjnë vetëm nga 3 pika që kontrollojnë kapacitet të plotë kontrolli.
Sot kemi një laborator modern të investuar nga BE që bën gjithë kontrollin e analizave të çdo materiale që hyn në Shqipëri. Kemi dhe një ekip njerëzish të trajnuar nga BE.
Nëse ne nuk do të bënim këtë ndërhyrje do të falimentonin industrinë e riciklimit dhe do të linin rrugëve 3200 punonjës dhe do të mbyllnim një front pastrimi mjedisor.
Do heqim taksën 50 lekë të reja për kg plastik që pengon stimulimin e mëtejshëm të mbetjeve brenda por nuk do të lëvizim taksën për mbetjen nga jashtë që janë 100 lekë për kilogram. Në Shqipëri ka fabrika të përpunimit të mbetjeve të riciklueshme të çertifikuara nga BE dhe nuk mund t’i lëmë të mbyllen”, deklaroi Rama në Parlament.
