Policia e Shtetit deklaroi sot se ka shoqëruar 37 persona, që sipas tyre, ka kanë kundërshtuar veprimet e policisë.
Kjo e fundit sqaron se forca të Policisë së Shtetit janë në mbështetje të aksionit të nisur që në orët e para të mëngjesit të sotëm për zbatimin e vendimit të Këshillit Bashkiak të Tiranës, për shembjen e godinës së Teatrit Kombëtar, për t’i hapur rrugë projektit të ri për rindërtimin e tij.
“Gjatë aksionit në terren janë shoqëruar 37 persona, të cilët kundërshtuan me forcë apo tentuan të pengonin autoritetet në zbatimin e vendimit.
Policia e Shtetit po vijon veprimet procedurale, në bashkëpunim me Prokurorinë”, thuhet në njoftimin zyrtar.
Policia flet se 1 punonjës policie ndodhet në spitalin e Traumës, por nga verifikimet mediatike rezulton se s´ka pasur asnjë polic të lënduar, përveçse qytetarëve që janë dhunuar nga policia.
Por ajo që tërheq vëmendjen janë komentet e shumta të qytetarëve që policinë e konsiderojnë si të partisë dhe jo të shtetit.
Më poshte mund të lexoni të plota reagimet e qytetarëve ndaj policisë, e cila nuk kurseu as gazin lotsjellës, as sprajt me piper dhe as dhunën ndaj protestuesve.
