Deputeti Lefter Maliqi iu bashkua Aleancës për Mbrojtjen e Teatrit , pas apelit që bënë përfaqësues të saj, se godina e Teatrit Kombëtar mund të shembej.
Maliqi i ka drejtuar një apel Policisë së Shtetit që të distancohet nga kjo qeveri, dhe i ka bërë thirrje shqiptarëve që të ngrihen dhe të protestojnë.
“Edi Ramën e shoh si kriminel, që po përdor këtë pandemi duke mbjellë tmerrin te njerëzit dhe duke synuar vjedhjen.
Ai është një mashtrues ordiner, ai ka frikë nga përballja, ai ka frikë nga opozita e bashkuar, ai ka mbetur i vetëm.
As socialistët nuk i ka me vete, madje edhe oligarkët po i ikin një nga një, po e tradhëtojnë”, tha Maliqi.
Në vijim ai u shpreh se Teatri Kombëtar është vija e kuqe dhe nëse kjo godinë do të shembet ky është fundi i demokracisë dhe de fakto kemi shkuar në diktaturë.
“Edi Rama po mban epideminë për të mbajtur larg qytetarët, por unë jam i bindur që qytetarët do të ngrihen dhe do të rrëzojnë këtë qeveri”, tha Maliqi.
