Jaeld Çela, ish-drejtor i policisë së Vlorës, është dorëzuar në policinë e Tiranës.
Çela u dënua me 3.4 vite burg nga Gjykata e Krimeve të Rënda për shpërdorim detyre. Mësohet se Çela është dorëzuar në Drejtorinë e Policisë së Tiranës, i shoqëruar nga avokati i tij.
Nuk dihet se ku ka qëndruar prej rreth 3 vjetësh ish-kryepolici i Vlorës, ndërsa disa herë është raportuar se operacionet e policisë për arrestimin e tij kanë dështuar.
Ish-kreu i policisë së Vlorës u gjykua bashkë me ish-ministrin e Brendshëm, Saimir Tahiri. Ndryshe nga Tahiri, që ky dënim iu konvertua në shërbim prove, për Jaeld Çelën nuk është aplikuar e njëjta masë.
Raportohet se Jaeld Çela ka deklaruar në momentin e dorëzimit se nuk i është bindur asaj që e konsideron si “masë denigrimi” ndaj personit të tij, ndërsa prokuroria e cilëson si “masë sigurie”.
“Nuk më udhëhoqi institikti i lirisë për dorëzimin, por respekti ndaj punës për 17 vjet në Policinë e Shtetit”, mësohet të jetë shprehur ish-kryepolici.
Çela u akuza për veprat penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.
Asnjë nga këto akuza nuk u pranua nga Gjyjkata, e cila e shpalli fjator për “shpërdorim detyre”.
Çela ishte shpallur në kërkim prej 3 vjetësh dhe nuk dihet se ku ka qëndruar, por sot pasdite është shfaqur në Drejtorinë e Policisë së Tiranës, ku është dorëzuar.
Aktualisht çështja e Saimir Tahirit dhe Jaeld Çelës gjykohet në Apel nga gjyqtarët Albana Boksi, Nertina Kosova dhe Nure Dreni.
Prokuroria e Krimeve të Rënda, në shkallën e parë, kërkoi 12 vite burg për Tahirin për 3 vepra penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.
Si përfundim të dyja palët, si Tahiri dhe Prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit që që nga java tjetër do të fillojëme gjykimin e dosjes.
Prokuroria e akuzonte Tahirin se në kohën kur ishte ministër i brendshëm bashkë me ish- drejtorin e Policisë Vlorë, Jaeld Çela kanë bashkëpunuar me Moisi Habilajn apo vëllezërit e tij që bashkë korrespondojnë të jenë kushërinj.
