Ish-sulmuesi i Real Madrid, Edwin Kongo, është arrestuar së bashku me 10 individë të tjerë, si pjesë e një operacioni të policisë në lidhje me trafikun e drogës në Spanjë.
Policia Kombëtare e Spanjës kapi një ton kokainë, që po kontrabandohej midis shtresave të kutive me fruta.
“10 njerëz janë arrestuar dhe një ton kokainë e fshehur në kutitë e kartonit me fruta të sekuestruara është kapur, falë një makro-operacioni ndërkombëtar, të udhëhequr nga Policia Kombëtare”, lexohet në një njoftim publik.
43-vjeçari u mor në pyetje nga policia në Madrid dhe më pas u la i lirë. Ish-sulmuesi mbërriti në Spanjë më 1999, kur u bashkua me Real Madridin për 5 milionë euro, gjë që e bëri atë transferimin më të shtrenjtë kolumbian në histori, për atë kohë. Sidoqoftë, Congo nuk arriti të imponohej në “Bernabeu” dhe kurrë nuk luajti një ndeshje zyrtare me të bardhët, duke kaluar kohë në huazim te Real Valladolid, Vitoria Guimaraes (Portugali) dhe Toulouse (Francë).
