Mjeku i njohur Gëzim Xhepa përmes një postimi në rrjetet sociale i kërkon Komitetit Teknik që të rishohë strategjinë e hapjes, pasi po rrezikohet që të kalohet në anarshi dhe të hidhet dëm e gjithë koha e karantinës.
“Duke u mbështetur në indikatorë të rastësishëm ditorë të pozitivitetit të tamponëve, po çojmë në tej-tej-tej zgjatje masash shtërnguese, që pasohen nga padurim dhe revoltë thyese spontane të këtyre masave nga ana e popullatës, me pasojë kalimin nga një strategji e mirë menduar dhe transparente për popullin në favor të imunizimit natyral gradual, në kaos dhe anarshi, që nulifikon përfitimin nga masat shtërnguese…!!!”, shkruan Xhepa.
Postimi nga Gezim Xhepa
THIRRJE MIQËSORE KOMITETIT TEKNIK MBI STRATEGJINË E GABUAR ZHBLLOKUESE NË KËRKIM TË GJERMANIT TË FUNDIT
Të nderuar kolegë, siç u keq menaxhuan masat shtërnguese, që ishin të domosdoshme…
4 – 5 javët e para, duke çfuqizuar mjekun e familjes dhe lënë në menaxhim, vetëm një numër 127, sërish po keq menaxhohen masat zhbllokuese, duke mos përcaktuar strategjinë e zhbllokimit, pa përcaktuar nivelin e rrezikut dhe mirë nenaxhimin e dinanikës të kapërcimit nga zona e gjelbër në të kuqe dhe anasjelltas!
Duke u mbështetur në indikatorë të rastësishëm ditorë të pozitivitetit të tamponëve, po çojmë në tej-tej-tej zgjatje masash shtërnguese, që pasohen nga padurim dhe revoltë thyese spontane të këtyre masave nga ana e popullatës, me pasojë kalimin nga një strategji e mirë menduar dhe transparente për popullin në favor të imunizimit natyral gradual, në kaos dhe anarshi, që nulifikon përfitimin nga masat shtërnguese…!!!
