Transferimi i Leroy Sanes te Bayern Munich duket se është vetëm çështje kohe.
Kampionët në fuqi të Gjermanisë, prej disa javësh kanë arritur një marrëveshje personale me anësorin e Manchester Cityt. Megjithatë bavarezët ende nuk e kanë bërë të njëjtën gjë edhe me Manchester City-n që mbanë kartonin e lojtarit gjerman.
Bayerni ka bërë ofertën e parë prej 40 milionë eurove për lojtarin, ofertë që është refuzuar nga City. “The Sun” ka raportuar se kjo marrëveshje mund të mbyllet nëse bavarezët do t’i shtonin edhe 10 milionë euro të tjera.
Kontrata e gjermanit me klubin anglez skadon në verë e vitit 2021 dhe City po frikësohet se mund ta humbas atë me parametra zero.
Tani mbetet në dorën e drejtuesve bavarez nëse do të rritin ofertën për Sanen, pasi marrëveshja personale me lojtarin ka kohë që ekziston.
